Qarax khasaare gaystay oo ka dhacay Baardheere
-
- Posted On 28-08-2016, 09:14PM
BAARDHEERE, Somalia- Qarax khasaaro dhimasho iyo dhaawac isugu jira ayaa ka dhacay degmada Baardheere ee gobolka Gedo, waxaana lala eegtay ciidamo katirsan kuwa dowladda Somalia.
Inta la hubo waxaa ku dhintay Labo Askari, waxaana dhaawacyo kala duwan soo gaareen ilaa Afar qof oo kale.
Dhibaato kale ayaa lagu waramayaa inay soo gaartay qaar kamid ah dadka deegaanka kadib markii Rasaas oodda ka qaadeen ciidamo la qarxiyay.
Majirto ilaa hadda cid sheegatay mas'uuliyadda falkaasi, waxaana loo malaynayaa inuu qaraxu ahaa mid dhulka lagu aasay.
Weerarka oo galabta dhacaya ayaa yimid xilli halkaasi ka jirto xiisad u dhaxaysa mallayshiyaad iska soo horjeeda.
Ilaa hadda wax war ah kama soo bixin dhinaca saraakiisha ammaanka.
Todobaadkan waxaa kacsanayd xaaladda gobolka Gedo ee Somalia, waxaana jiray dagaallo dhexmaray ciidamada dowladda Somalia iyo mallayshiyaadka Al Shabaab.
GAROWEONLINE
