Qareenka dhaqtarkii fududeeyey dilka Osama oo Peshawar lagu diley
-
- Posted On 18-03-2015, 04:46AM
March 17, 2015 (GO)- Dabley hubeysan ayaa magaalada Peshawar ee ku taalla waaqooyi bari dalka Pakistan ku diley nin horay qareen ugu ahaa dhakhtarkii Maraykanka ka caawiyey dilka hoggaamiyihii hore ee Al-qaacida Osama Bin Laden.
Qareenka oo lagu magacaabi jirey Samiullah Afridi waxaa toogtey rag hubeysan oo gaari yar watey xilli uu kusii jeedey gurigiisa. Afridi ayaa muddo ku noolaa qurbaha kadib markii loogu hanjabey in la dili doono.
Sanadkii hore ayuu dalkiisa hooyo ee Pakistan dib ugu soo laabtey isagoo sheegay in gebi ahaanba uu isaga baxay mihnadda qareennimada.
Mas'uuliyadda dilka qareenka waxaa sheegtay koox xagjir ah oo horay uga go'dey Talibanka dalka Pakistan.
GAROWE ONLINE + BBC
