Qofkii ka dambeeyey qaraxa Daalo oo la aqoonsadey
-
- Posted On 05-02-2016, 05:45PM
NAIROBI, KENYA- Baarayaasha Somalida iyo kuwa caalamiga ah ayaa xaqiijiyey maanta oo Jimce ah 5 Feb,2016 in qarax ismiidaamin ah lala beegsadey diyaarada Daalo.
Qofka isku qarxiyey diyaaradaan ayaa baarayashu sheegeen inuu ahaa mid iska dhigey dadka rakaabka ah ee diyaarada islamarkaana lagu wadey kuraasta loogu talagaley dadka curyaamiinta ah ama xanuunsan.
Maalinamada Jimacaha, warar soo baxey ayaa sheegaya in baarayaasha caalamiga ah iyo kuwa Somalida ka heleen raadka maadada loo yaqaan TNT qofkii maydkiisa laga heley agagaarka degmada Balcad, kaasoo ahaa midka kaliya oo ku dhintey qaraxaan.
Dowlada Somalia ayaa bilowgii qaraxaan sheegtey inuu ahaa mid farsamo. Wasaarada duulista Somalia ayaa qoraal kasoo baxey ku xustey iney baaris kawado sababta keentey qaraxaan. Xeel dheerayaal caalami ah ayaa gacan ka gaystey baaristaan kuwasoo hogaaminayeen dad u dhashey dalka Mareykanka.
Dowlada ayaa sheegtey in qofka is-qaxiyey magaciisa uu ahaa Cabdulahu Cabdisalam Borle oo 55 Jir ah kana soo jeedey Somaliland.
"Isticmaalka kursiga curyaamiinta ayaa sababtey inuu ka baxsado baarista garoonka diyaardaha Somalia" sidaas waxaa yiri khubarada baareysa sida waraxaan ku dhacey.
U maleynta qofkaan inuu is-qarxiyey ayaa ka dhigeysa in falkaan ka dambeeyeen ururka Al-shabaab kuwasoo weeraro ku qaada ciidamada Amisom iyo goobaha kale ee shacabka Somalida isugu yimaadaan.
GAROWEONLINE+ WAKAALADAHA
