Ra'isal Wasaare Sharmaarke oo maanta hortegaya barlamaanka

May 9 , 2015 (GO)- Ra'isal Wasaaraha Dowladda Federaalka ayaa maanta hortegi doona golaha barlamaanka oo iyagu maanta oo Sabti ah isugu imaanaya fadhiga labaad ee kalfdhigood lixaad.

Cumar Cabdirashiid Sharmaarke ayaa xildhibaannada warbixin dhameystiran kasiin doona qorshaha xukuumaddiisa.

Xildhibaannada ayaa su'aalo ka weydiin doona Ra'isal Wasaaraha waxyaabaha u qabsoomey xukuumaddiisa muddada kooban ee ay jirtey.

Waxay sidoo kale su'aalo ka weydiin doonaan qorshaha Golaha Wasiirrada ee ku wajahan dhameystirka Higsiga 2016, amniga iyo dhismaha maamullada federaalka.

Faah faahin dheeri ah oo ku saabsan kulanka maanta barlamaanka federaalku kula xisaabtamayo Ra'isal Wasaaraha dib ayaan idiinka soo gudbin doonnaa...

GAROWE ONLINE