Roob gaystay khasaaro hantiyeed oo ka da'ay nawaaxiga degmada Buuhoodle
-
- Posted On 18-10-2015, 06:26AM
18 Octobar, 2015(GO)-Khasaaro hantiyeed ayaa laga soo sheegayaan tuulo ka tirsan degmada Buuhoodle ee gobolka Cayn ka dib Roobab laxaad leh oo xalay ka da'ay.
Roobka ayaa la sheegay inuu qiyaastii da'ayay ilaa Shan saacadood oo xiriir ah, wuxuuna sameeyay daadad xooggan oo kalifay in dadku ka baxaan guryahooda.
Tuulada Bandan oo 24 kilomitir dhanka bari ka xigta magaalada Buuhoodle, ayaa ka mid ah meelaha daadadka Roobkaasi saameeyay, waxaana dadka deegaanku sheegayaan in gabi ahaan buuxsameey guryihii hantidu u taallay.
Xasan Faarax waxa uu ka mid yahay dadka deggan tuuladaasi, BBC-da uyuuna u sheegay in goobihii ganacsiga iyo gabi ahaanba tuulada Biyo dhexfadhiyaan dadkuna ku suganyihiin banaanka tuulada.
Qaybo kale oo ka mid ah deegaanada Puntland ayaa xalay Roobsaday, waxayna ku soo beegmasaa xilli ay jirto abaar iyo biyo la'aan kaliftay in Puntland ku dhawaaqdo xaalad dag dag ah.
GAROWEONLINE
