Saddex sarkaal oo 24saac gudahood Muqdisho lagu diley

Image

April 26, 2015 (GO)- Ugu yaraan saddex sarkaal oo ka tirsanaa Dowladda Federaalka Soomaaliya ayaa 24tii saac ee lasoo dhaafay magaalada Muqdisho lagu diley.

Dabley hubeysan ayaa barqonimadii maanta ku dilay agagaarka isgoyska KPP ee degmada Hodan sarkaal ka tirsanaa ciidamada asluubta oo lagu magacaabi jirey Cabdullaahi Kamaal Ismaaciil.

Xuseen Cabdi oo isna ahaa mas'uul ka tirsan maamulka degmada Xamarjajab ayaa isla maanta toogasho lagu diley.

Guddoomiye waaxeed ka tirsanaa degmada Dayniile oo lagu magacaabi jirey Ibraahim Maxamed Bariise ayaa sidoo kale xalay magaalada Muqdisho lagu diley.

Dilalkan waxaa qaarkood mas'uuliyaddooda sheegtay ururka Al-shabaab ilaa iyo haddana ma jirto cid falalkan ammaan darrida ah lala xiriirinayo oo laamaha ammaanku qabteen.

Shalay waxaa suuqa Bakaaraha lagu diley siyaasi horay uga soo mid noqdey barlamanka federaalka oo lagu magacaabi jirey Xaaji Cali Aadan.

GAROWE ONLINE

Related Articles

Danjire hore oo Mareykan ah oo ka digay in si degdeg ah loo aqoonsado Somaliland

Danjiruhu wuxuu tilmaamay in Mareykanka uu haysto saddex ikhtiyaar: in uu sii hayo…

  • Soomaliya

    20-08-2025

  • 12:44PM

Cirro: Inta aan xafiiska joogo bay Somaliland aqoonsi helaysaa

Hadalka madaxweynaha ayaa imaanaya xilli ay sare u sii kacayso baaqyada lagu dalbanayo in Mareykanku aqoonsado Somaliland.

  • Soomaliya

    20-08-2025

  • 05:42AM