Safiirkii Somalia dalka Masar oo Muqdishu lagu aasay
-
- Posted On 26-11-2015, 11:09AM
26 November, 2016(GO)-Safiirkii Somalia u fadhiyay dalka Masar ayaa maanta lagu aasay magalada Muqdishu xarunta Somalia, ka dib diyaarad khaas ah oo ka keentay Qaahira.
Aaska Safiirka, waxaa ka qayb galay Madaxweynaha Somalia Xasan Sheekh Maxamud, xubno ka socday goloyaasha dowladda iyo qaar ka mid ah ehelada marxuumka.
Salaadda Janasada ayaa Cabdullaahi Xasan Maxamud lagu tukuday garoonka diyaaradaha ee Aadan Cadde, waxaana lagu aasay qabuuraha Cusbitalka Madiina ee magalada Xamar.
Madaxweynaha Somalia ayaa tacsi u diray dhammaan ehelkii, qaraabadii iyo umadda Somaliyeed ee uu ka baxay marxuum Cabdullaahi Xasan oo ahaa safiir door ka soo qaatay diblomaasiyadda Somalia.
GAROWEONLINE
