Sarkaal ka tirsan ciidanka dowladda Somalia oo Baladweyne lagu dilay
-
- Posted On 16-12-2015, 12:19PM
16 December, 2015(GO)-Sarkaal ka tirsan ciidanka dowladda Somalia ayaa saaka lagu dilay magalada Baladweyne xarunta gobolka Hiiraan oo muddooyinkii dambe ka socotay xiisad dagaal u dhaxaysa laba mallayshiyo beeleed.
Maxamed Muumin Cirba-dheere ayaa qayb ka ahaa ciidamo dowladdu kala dhex dhigtay labada mallayshiyo, waxaana toogtay mid ka mid ah ciidamada kooxaha ku dagaallaymaysa magalada.
Wararka aan ka helayno xarunta gobolka Hiiraan ayaa sheegaya in gacanta lagu soo dhigay ruuxii dilkaasi fuliyay.
Tallaabadan ayaa ku soo beegantay dadaallo ka socda magalada Baladweyne taasoo lagu soo afjarayo colaad sababtay geerida in kabadan 20 ruux kadib dagaallo dhexmaray beelo wada daga xaafadda Howl wadaag.
GAROWEONLINE
