Shirka soo xulista xildhibaanada Jubaland oo maanta furmay
-
- Posted On 20-01-2015, 10:00AM
January 20, 2015 (GO)- Shirka soo xulidda Barlamanka cusub ee Jubbaland ayaa maanta oo Talada ah ka furmay hoolka shirarka ee garoonka diyaaradaha Kisamayo, kulanka waxaa ka qeyb galay Madaxweynaha maamulka Jubbaland Axmed Madoobe, Madaxweyne ku xigeenka koobaad Cabdullaahi Sheekh ismaaciil iyo midka seddexaad Suldaan Cabdiqaadir Luga-Dheere.
Sido kale xubnaha gollaha wasiiradda maamulka Jubbaland ayaa iyagana qeyb ka ah dadka shirka ka qeyb qaadanaya.
Odayasha dhaqanka Jubbaland, ganacsato, ururada dhallinayrada iyo Haweenka ayaa iyagana goobta ku sugan.
Marti ka socota Dowlada Federaalka Soomaaliya, dowladaha deriska ee Kenya iyo Itoobiya ayaa iyana jooga madasha.
Wakiilo ka socda urur goboleedka IGAD iyo Midowga Yurub ah ayaa madasha maanta fadhiya waxaana kamid ah wakiilada wadamada Ingiriiska, Faransiiska,Talyaaniga iyo Jarmalka.
Madaxweynaha Jubbaland ayaa furay shirka isagoo sheegay in xildhibanada lagu soo xulayo qaab deegaan.
Fillo goor dhow faah-faahin iyo sawirro.
GAROWE ONLINE
