Somalia: Ciidamo ka tirsan AMISOM oo qarax lala beegsaday
-
- Posted On 15-09-2016, 01:27AM
AFGOOYE, Somalia - Qarax Miino ayaa waxaa duleedka degmada Afgooye, ee gobolka Shabeellaha Hoose lagula eegtay Kolonyo gadiid military, oo ay wateen ciidamada Midowga Africa ee AMISOM.
Goobjooge ayaa GO u xaqiijiyay in uu Qaraxa ka dhacay inta u dhaxeyso Deegaanada Arbacow iyo Ceelasha Biyaha.
Mid kamid ah baabuurta AMISOM ee Qaraxa lagu weeraray ayaa la sheegay inuu goobta ku gubtay.
Ciidamada AMISOM ayaa wararka sheegayan in qaraxa kadib rasaas xoogan fureen lama soo sheegin khasaaraha ay gaysteen.
Waxaa aad mashquul u ahaa wadada lagula beegsaday qaraxaan madaama magaalda Muqdishu kontroladeeda xirnaayeen maalmihii lasoo dhaafey.
Dhanka kale, dagaal u dhaxeeya Labo maleeshiyo beeleed ayaa maanta ka qarxay deegaanka Muuri, oo ku dhaw degmada Afgooye.
Qaraxaan ayaa imaanaya maalin kadib markii uu dhamadey shirkii wadamada urur goboleedka IGAD kulan yesheen magaalada Muqdishu.
GAROWEONLINE
