Gudoomiye Ku-xigeenka Gedo oo Weerar ka Bad-baaday
-
- Posted On 07-02-2016, 04:05PM
BAARDHEERE- Wararka aan ka helayno degmada Baar-dheere gobolka Gedo Somalia ayaa sheegaya in weerar loo adeegsaday qarax gaari lagu xiray ka bad-baaday gudoomiye kuxigeenka gobolka Gedo Shiikh Yuusuf Maxamed(Al-qaadi).
Al-qaadi oo qaba dhawac fudud ayaa sheegay in qaraxan gaarigiisa loogu xiray, islamarkaana uu qarxay xilli uu ku socday xaafiiskiisa shaqada, wuxuuna tilmaamay inuu wehliyay qof ka mid ah ilaaladiisa.
Shakhsiyaadka falkaas ka dambeeyay ayuu gudoomiyuhu xusay inay gacanta kusoo dhigi doonaan dadka falkaasi lagu tuhmayo, wuxuuna cadeyay in baaritaanka ka qayb qaadan doonaan ciidamo katirsan AMISOM.
Falkan ayaa yimid kadib markii dhawaan kooxo hubeeysan magaalada Baardheere ku dhaawaceen gudoomiyihii maxkamadda degmadaasi.
GAROWEONLINE
