Somalia: Nabadoon lagu dilay Muqdishu
-
- Posted On 20-10-2016, 09:45PM
MUQDISHU, Somalia- Koox hubaysan oo aan haybtooda la aqoon, ayaa Caawa magaalada Muqdushu ku dishay Nabadoon Caan ahaa, oo lagu magacaabi jiray ALLAHA u naxariistee Maxamed Tabari Shiiqoow.
Goobjooge ayaa GO u xaqiijiyay Dilka Nabadoonka, oo ka dhacay Xaafada Suuq Bacaad, ee degmada Yaaqshiid, waxaana dilka geestay Labo Qof oo Bastoolado ku hubaysan.
Wali lama oga sababta iyo cida ka danbaysa Dilka Nabadoon Maxamed Tabari Shiiqoow, oo ahaa qof si wayn looga yaqaaney degmada Yaaqshiid.
Kooxda Dilka fulisay ayaa Goobta isaga baaxsatay, waxaan markii danbe gaarey ciidamo katirsan Hay'adaha amniga Somalia oo baaritaan aan cidna lagu soo qaban sameeyay.
Muqdushu ayaa Dilalka noocan ah kusoo badanayay mudooyinkii danbe, iyadoo dowladda Waqtigeeda uu dhamaaday hore u balanqaadey inay sugayso nabadgalyada caasimdda xiliga Doorashada dhacayso.
GAROWEONLINE
