Somalia: Sarkaal ka tirsan ciidamada oo lagu diley magalaada Muqdishu
-
- Posted On 09-09-2016, 02:12PM
MUQDISHO, Somalia -- Sarkaal sare oo ka tirsanaa ciidamada Militariga dowladda Somalia ayaa waxaa lagu dilay degmada Dharkenley, ee gobolka Banaadir.
Goobjooge la hadlay GO, ayaa sheegay in Sarkaalka la dilay lagu magacaabi jiray Korneel Geesey Cali, islamarkaana dilkiisa uu fuliyay mid kamid ah Ilaadadiisa.
Askariga dilka geestay, ayaa la sheegay in isla Goobta ay ku qabteen ciidamada dowladda Somalia, kadibna ay ku xireen xabsi ku yaallo degmada Dharkeenley.
Wali lama oga sababta ka danbeysa dilka sarkaalkaan, mana jiro war kasoo baxay ciidamada maamulka degamada uu falka ka dhacay.
Dilalka noocan ah, ayaa kusoo badanaya mudooyinkii danbe magaalada Muqdisho, waxaana mas'uuliyada sheegta kooxda Al Shabaab kuwasoo dhexgal ku sameeya ciidmada amniga.
GAROWEONLINE
