Somalia: Wasiirro xilka la kala wareegay
-
- Posted On 10-05-2016, 02:35PM
MUQDISHU- Magaalada Muqdishu caasumadda Somalia ayaa lagu qabtay munaasabad xilalka kula kala wareegayeen wasiirkii hore ee wasaaradda Boostada iyo is-gaarsiinta dowladda Federalka Somalia iyo mas'uulka dhawaan loo soo magacaabay.
Kulankaasi, waxaa ka qayb galay Ra'isal wasaare ku-xigeenka xukuumadda Somalia iyo xubno kale oo dowladda katirsan.
Wasiirkii hore ee xilka laga qaaday Guuleed Xuseen Qaasim, ayaa sheegay inuu soo dhaweynayo xilka qaadistii Ra'isal wasaare Sharmaake ku sameeyay, wuxuuna tilmamay inuu la shaqayntood wasiirka cusub.
Maxamed Jamac Mursal oo xilka lagu wareejiyay, ayaa xusay in wasiirkii hore waxqabad muuqda sameeyay islamarkaana uu halkaasi kasii wadi doono, wuxuuna ka codsaday in mas'uulkii hore uu hayo khibrad ku aadan mudadii uu shaqaynayay, wuxuuna ka codsaday inuu wasaaradda ku kaabo.
25 April, 2016 ayay ahayd markii Cumar Cabdirashiid uu wasiirkaasi xilka ka qaaday iyadoo aan la caddayn sababta keentay, balse warar aan helayno ayaa xusay inay kalliftay gaabis dhanka shaqada ah.
GAROWEONLINE
