Somaliland: Khasaaro ka dhashay weerar lagu qaaday Gudoomiyaha gobolka Owdal
-
- Posted On 07-10-2015, 10:12AM
07 Octobar, 2015(GO)-Labo ka mid ah ilaalada Gudoomiyaha gobolka Owdal ee Somaliland Maxamuud Cali Saleebaan ayaa lagu dilay ka dib weerar lagu qaaday guriga uu ka daganyahay magalada Boorama.
Weerarka, waxaa kaloo lagu dhaawacay labo ruux oo shacab ah.
Lama oga cidda ka dambaysay weerarka balse waxaa looga shakisanyahay kooxo ku jira buuraha kana amar qaata Suldaan Wabar oo ka soo horjeeda maamulka Somaliland.
Gudoomiyaha la weeraray ayaa la sheegay inuu caafimaad qabo, wax dhib ahna ka soo gaarin arrinka ka dhacay gurigiisa.
Maamulka Somaliland,ayaa falkaan ku eedeeyay ciidamada Suldaan Wabar, waxaana falkaasi loo xiray ganacsato iyo odoyaal.
Ma aha markii ugu horraysay oo mas'uul ka tirsan Somaliland lagu weeraro magalada Boorama ee xarunta gobolka Awdal.
Suldaan Wabar ayaa haatan la sheegay inuu ku suganyahay dalka Ethopia, waxaana uu si weyn u dhaliilsanyahay siyaasadda Somaliland isagoo aaminsan in Somalia ay tahay hal dal oo qura.
GAROWEONLINE
