Somaliland oo miiska wada hadalka ugu baaqday D.Federaalka
-
- Posted On 29-09-2014, 04:56PM
Isniin, September 28,2014 [GO]- Madaxwaynaha Somaliland Axmed Maxamed Siilaano ayaa madaxda dowladda Federaalka ah ee Soomaaliya ugu baaqay inay yimaadaan miiska wada hadalka.
Hadalkan ayuu Siilaanyo ka jeediyay munaasibad loo qabtay arday ka qalin jabisay Jaamacadda Hargaysa wuxuna tilmaamay dowladda Xasan Shiikh inay ka war wareegayso wada hadal balse ay muhiim tahay beesha caalamka inay gar waaqsadaan madax banaanidooda.
''Waxaan lee yahay Somaliland waa Qaran madax banaan dadkiisu way tashadeen, Midnimadda Soomaaliya waa tii fashilantay diyaar uma nihin durbaanka Somaliweyn, waxay dowladda Somalia u muuqataa inaanay ixtiraamayn wixii lagu heshiiyay kana war wareegayso miiska wada hadalada waxaan wali idin ku baaqaynaa miiska wada hadalada si aan u kala baxno''.
Dhowr jeer oo hore waxaa dib u dhacay wada hadalkii lagu balan sanaa kaasoo hadda wqtigii loo qabtay uu dhaafay mana jirto ilaa iyo hadda go'aan kasoo baxay madaxda Muqdisho oo ku aadan xiliga diyaarka u yihiin inay wada hadalka la galaan Hargaysa.
Somaliland ayaa u muuqata inaysan raali ka ahayn inay mar kale Soomaaliya kasii mid ahaato halka masuuliyiinta dowladda Federaalkuna ay doonayaan inay dib usoo celiyaan Somaliland tabashadoodana lagu dhameeyo wada hadal.
GAROWE ONLINE
