Tuuryare "Dhalinyarada qurbaha ka timi waa kuwa ugu badan isqarxinaya"
-
- Posted On 19-12-2015, 10:47AM
19 December, 2015(GO)-Taliyaha ciidanka Nabad sugidda Somalia Cabdiraxmaan Tuuryare ayaa ka hadlay dhalinyarada ka mid noqonaya ururka Al-Shabaab ee weerarada ka gaysanaya Somalia kuwaasi oo ku eedeeyay inay ugu badanyihiin qurbo joogta.
Xilli uu ka hadlay shirka dhalinyarada Somaliyeed ee Muqdishu ka furmay ayuu sheegay in ururka Al-Shabaab awood ahaa daciifeen, balse loo baahanyahay in dhalinta qurbaha laga horjoogsado fikradaha qaldan.
Tuuryare, ayaa sidoo kale xusay inay jiraan dad qurbaha ku sugan oo lacago u soo dira Shabaab, wuxuuna dhalinta shirka joogtay faray inay sameyaan wacyi galin ku loo marinayo baraha bulshada si aysan uga qayb qaadaan dagaalka kooxda ee Somalia.
Hadalka taliyaha ayaa yimi xilli ay jiraan dhalinyaro badan oo qayb ka ahaa weeraro ismiidamin ka dhacay Somalia.
GAROWEONLINE
