Wabiga Jubba oo fatahaad sameeyay
-
- Posted On 22-10-2015, 08:04AM
22 Octobar, 2015(GO)-Wararka ka imaanaya gobolka Jubbada dhexe ee dalka Somalia ayaa laga soo sheegayaa cabasho ku aadan fatahaad uu sameeyay wabiga Jubba.
Dadka deegaanka ayaa tilmaamay in fatahaadu saamaysay Beeralayda, iyagoo xusay in dhammaan dalagii u beernaa iyo matooradii kala tageen Biyaha wabiga.
Xaaladda oo ka sii darta ayay bulshadu ka digtay hadii aan wax laga qaban.
Falkan ayaa imaanaya xilli uu jiro baaqyo ku aadan sidii looga hortagi lahaa duufaanta El nino.
Isniintii aynu soo dhaafnay Afar Carruura ayaa ku dhintay Roobab ka da’ay deegaanka Malmalkuus oo hoostaga degmada Saakow ee gobolka Jubbada dhexe.
GAROWEONLINE
