Wadashaqeyn la'aan ka dhaxeysa ciidamada dowlada & AMISOM [Dhageyso]
-
- Posted On 27-08-2015, 08:34AM
27 August, 2015 (GO)-Gudoomiyaha guddiga difaaca baarlamaanka Somalia Xuseen Carab Ciise ayaa sheegay in aysan wax wada Shaqeyn ah ka dhaxayn Ciidamada AMISOM iyo kuwa Somalia.
Hadalkan ayuu Xuseen Carab ka sheegay kalfadhiga 6-aad ee baarlamaanka Somalia, isagoona tilmaamey in arrintaasi u xaqiijiyeen Saraakiisha Ciidamada AMISOM iyo kuwa Milatariga Somalia,
“Ciidamada AMISOM saraakiishooda markii aan weydiinay waxaa ay noo sheegeen in ay tahay sababta in aysan jirin cid u kala dab qaadeysa Ciidamada midowga Africa iyo shacabka ku nool goobaha la qabsaday, maadaama ciidamada Milatariga Somalia aysan nala socon” Ayuu yiri Carab.
Gudoomiyaha gudiga difaaca waxa uu sheegey inay baarayaan sababta loo waayay xiriirka labada ciidan, balse haatan ay ogaadeen sababta markasta AMISOM uga baxdo goobaha laga saaro Al-shabaab taasoo ku macneeyay wadashaqyn la'aanta labada dhinac.
GAROWEONLINE
