Waqtiga doorashada Somalia oo la shaaciyay [Akhriso]
-
- Posted On 07-08-2016, 06:33PM
MUQDISHU, Somalia- Guddoomiyaha Guddiga doorashooyinka dadban ee dalka Somalia ka dhacaysa 2016 ayaa maanta warbaahinta faah faahin ka siiyay waqtiga ay qabsoomayso doorashooyinka Aqalka sare, Barlamanka iyo Madaxweynaha dalka.
Cumar Maxamed Cabdulle Dhagay, Guddoomiyaha Guddigaasi ayaa sheegay in doorashada Aqalka sare qabsoomi doonto 25 September halka aqalka hoose la dhisi doono 24 September ilaa 10 October, 2016.
Doorashada Guddoomiyaha Barlamanka ayaa dhici doonta 25 September, 2016.
Madaxweynaha dowladda Federalka Somalia ayaa iyaduna dhici doonta 30 October, 2016.
Jadwalkan ayaa soo baxay xilli madaxda Somalida shir uga socday magaalada Muqdishu kaasoo looga hadlayay doorashada iyo mudada lagu kordhin doono.
Dhinaca kale waxaa magaalada Muqdishu isla maanta shir ku dhexmaray Guddigan iyo madaxda maamul goboleedyada, waxayna kawada hadleen qaabka dalka looga saari doono marxaladda adag iyadoo madaxda dalka shaqo wanaag ku ammaaneen Guddiga hirgalinta doorashooyinka dadban ee dalka ka qabsoomi doona sannadkan.
GAROWEONLINE
