Wasiirka amniga dowlada Puntland oo eedeeyn u jeediyey DF
-
- Posted On 15-08-2015, 06:31PM
15 August, 2015 (GO)- Wasiirka wasaarada amniga dowlada Puntland Cabdi Xirsi Cali "Qar-jab" ayaa maanta xafiiskiisa shir jiraa'id uu ku qabtay waxaa uu kaga hadlay xaaladda amaanka Puntland halka ay marayso, isagoona rajo fiican ka muujiyay.
Qarjab ayaa soo hadal qaaday Puntland xuquuqda kaga maqan dowladda Soomaaliya taasoo uu sheegay inaysan helin xuquuqahaas "Waxaa laysku raacay in DFS aysan wax cadaalad ah aysan ka shaqayn, umada Soomaaliyeed-na magaceeda ku qaraabanayso, iyadoona ay dhici karto gobollo aan shuruudaha buuxin dhaqaalaha dalka lagu bixiyo".
Wasiirka ayaa soo hadal qaaday carqalado uu sheegay inay wadaan maamulada Koonturta dalka ka dhisan isagoona sheegay in laga soo abaabulayo magaalada Muqdisho taasoo ay ujeedadeeda ku sheegay sidii dadka layskugu diri-lahaa
Wasiirka wasaarada Amniga dowlada Puntland Cabdi Xirsi Cali "Qar-jab" ayaa ugu danbayntii shacabka reer Puntland ku booriyay inay ka laamaha amaanka kala shaqeeyaan adkaynka amaanka Puntland.
GAROWEONLINE
