Wasiirka cusub ee Waxbarashada Puntland oo Garowe soo gaarey
-
- Posted On 27-06-2015, 01:22PM
June 27, 2015 (GO)- Wasiirka cusub ee Wasaaradda Waxbarashada Puntland Prof. Abshir Aw-yuusuf Ciise ayaa maanta soo gaarey islamarkaana si weyn loogu soo dhoweeyey magaalo madaxda Puntland ee Garowe.
Mas'uuliyiin ka tirsan dowladda, xubno ka socdey bahda waxbarashada iyo boqollaal dadweyne ah ayaa wasiirka si diirran ugu soo dhoweeyey garoonka diyaaradaha ee Garowe.
Prof. Abshir ayaa u mahadceliyeye dadkii soo dhoweyntiisa ka qayb qaatay, wuxuu sidoo kale Madaxweynaha Puntland Cabdiweli Maxamed Cali Gaas uga mahadceliyey xilka uu usoo magacaabay.
Wasiirka ayaa kasoo kicitimay magaalada Minneapolis ee dalka Maraykanka halkaasoo uu ku noolaa muddooyinkii ugu dambeeyey isago wax ka dhigi jirey qaar kamid ah Jaamacadaha Maraykanka. Kahor burburkii dowldda dhexe, wuxuu bare ka ahaa Jaaamacaddii Lafoole.
GAROWE ONLINE
