Xasan Xanafi oo markale dil lagu xukumay
-
- Posted On 26-03-2016, 10:15PM
MUQDISHU-Ninka loo haysto dilka wariyaal badan oo Somalia ah ayaa dhawaan maxkamada darajada Koowaad ku riday xukun dil ah kaasi oo racfaan ka qaatay, waxaan markale khamiistii lasoo dhaafay loo fariistay dhagaysiga dacwadda la xiriirta eedaha loo haysto.
Dhagaysiga eedaha iyo difaaca Xasan Xanafi Xaaji kadib ayaa maxkamadda sare ee ciidamada qalabka sida Somalia waxay sheegtay in dib la isugu soo laabto, waxaan maanta oo Sabti ahay 26 Marso, 2016 la go'aamiyay xukunka ninkaasi.
Maxkamada ayaa ayidday go'aankii horay u qaadatay maxkamadda darajada Kowaad waxayna sheegtay in xukunkiisu yahay dil toogasho islamarkaana la qisaasi doono.
Gudoomiyaha maxkamaddaasi Cali Yarow ayaa warbaahinta u sheegay maxsuulka kasoo baxay kiiska uu Xanafi racfaanka ka qaatay, wuxuuna sheegay in wajibkiisu yahay dil toogasho ah islamarkaana ku cadaadeen dhammaan eedihii loo soo jeediyay, isagoo dhinaca kale xusay in loo dili doono dhammaan wariyaashii uu ku lug lahaa dilkooda gaar ahaan Sheekh Nuur Abkey oo katirsanaa Warbaahinta Qaranka Somalia.
Tallaabadan ayaa timi kadib go'aan la gaaray 03 bishan, wuxuuse qaatay racfaan ugu dambayn ku biyo shubtay in markale dil lagu xukumo.
Goobta maxkamadayntu ka dhacday oo ah magalada Muqdishu, waxaa soo xaadiray wariyaasha xarunta Somalia ka howl gala kuwaasi oo sidoo kale joogay madashii horay loogu xukumay.
Xanafi ayaa ahaa Wariye ka howl gala magalada Muqdishu balse la shaqeeya ururka Shabaab, wuxuuna ku lug lahaa dilal badan oo loo gaystay wariyaal Somaliyeed.
GAROWEONLINE
