Xildhibaano ka soo horjeestay mooshinka la laalay [Dhagayso]
-
- Posted On 26-09-2015, 11:16AM
26 September, 2015(GO)-Xildhibaano ka tirsan Barlamanka Somalia ayaa ka soo horjeestay qoraal ka soo baxay guddoonka oo lagu sheegay in la tuuray mooshin dhawaan laga keenay madaxweynaha Somalia.
Xildhibaan Cabdullahi Goodax Bare oo ka mid ah mudanayaasha horkacaya mooshinka ka dhanka ah madaxweynaha, ayaa tilmaamay in aysan ka noqon doonin mowqifkooda.
Barre oo la hadlay BBC-da aya sidoo kale xusay inuusan micno ku fadhin qoraalka ka soo baxay guddoonka Barlamanka Somalia, waxaa uuna xusay in arrintani tahay masiirka umadda Somaliyeed.
Mooshinka ayuu ku tilmaamay inuu yahay mid aan la tuuri karin, waxaana uu diiday baaq ka soo baxay guddoonka oo sheegay in 7-da bisha soo socota la isugu yimaado wada-hadal.
Arrinta laalista Mooshinkan, waxaa dabada ka riixaya Xasan Sheekh, iyo xubno ka tirsan golihiisa wasaariadda, waxayna u muuqata mid keeni karta khilaaf hor leh oo sababi karta kala fogaanshahay xildhibaanada kala aragtida duwan, maadamaa kuwa mooshinka ka keenay madaxweynaha ogolaadeen in lagu dhammeeyo wada-hadal.
Qaar ka mid ah Xildhibaanada Somalia ayaa 13 August , 2015 guddoonka golaha u gudbiyey mooshin ah in xilka laga qaado madaxweyne Xassan Shiikh, iyagoo ku soo eedeeyay xad-gudubyo ka dhan ah Qaranimada dalka "Khiyaano Qaran" iyo jabinta qodobo ka mid Dastuurka dalka Somalia.
GAROWEONLINE
