Xubno kusoo baxay doorashooyin ka dhacay Jowhar iyo Cadaado
-
- Posted On 28-11-2016, 08:45PM
JOWHAR, Somalia- Doorashada Aqalka Hoose ee maanta ka dhacday Jowhar iyo Cadaado, waxaana kusoo baxay dhowr Xildhibaan oo qaarkood si aad ah ugu dhawyihiin Madaxweyne Xasan Sheekh Maxa'uud.
Magaalada Jowhar waxaa lagu doortay 2 Xildhibaan oo kala ah Amino Maxa'ed Cabdi, oo heshay 26 cod, iyo Dr. Xuseen Cabdi Cilmi oo helay 34 cod, waxaana uu ka adkaaday 3 Musharx oo tartan la galay.
Amino Maxa'ed Cabdi waxay ka tirsanayd Baarlamaanka uu waqtigiisa dhamaadey, xubin katirsan Xisbiga talada haya ee PDP (Peace and Development Party), waxaana lagu tirayaa saaxiibada MD Xasan Sheekh.
Doorashada Aqalka hoose ee ka dhacday magaalada Cadaado waxaa lagu doortay Axmed Macallin Fiqi, Madaxii hore ee Hay'adda NISA oo helay 49 Cod iyo Xildhibaan hore Ubax Tahliil Warsame, oo heshay 32 cod.
Ergada Doorashada ayaa cadaadis xoogan, caga-juglayn iyo Xarig kala kulmay Siyaasiyiinta iyo Madaxda sare ee dowladda FS, waxaana qaarkood xarig iyo dil loogu geestay Muqdishu, Cadaado iyo Baydhabo.
GAROWEONLINE
