Yusuf Garaad oo loo magacaabay safiirka Somaliya ee QM
-
- Posted On 08-06-2016, 01:26PM
MUQDISHU- Dowladda Federalka Soomaliya ayaa madaxii hore ee laanta Afka Soomaliga BBC Yuusuf Garaad Cumar, u magacowday Madaxa joogtada ah ee Ergada Soomaaliya u joogi doonta xarunta Qaramada Midoobay ee magaalada New York dalka Maraykanka.
Yusuf Garaad ayaa muddooyinkii dambe ku sugnaa magalada Muqdishu, wuxuuna ahaa lataliye dhanka warbaahinta ee madaxweynaha dalka Soomaliya Xasan Sheekh Maxamud.
Wuxuu sidoo kale sannadkii 2012 isu soo taagay madaxweynaha dalka Soomaaliya, xilligaasi oo la doortay Xassan Sheekh.
Safiirkan cusub ayaa badali doono Cilmi Ducaale, oo muddo kabadan 10 sano xilkaasi hayay.
Magacaabistan ayaa lagusoo beegay xilli dalka Soomaaliya ka socdo loollan xooggan oo loogu jiro hogaanka sare maadaama doorashada madaxtinimo ee waddanka dhici doonto dabayaaqada sannadkan.
GAROWEONLINE
