Hay’adda Hormuud Salaam Foundation oo Deeq gaarsiisay Barakacayaal
-
- Posted On 21-04-2021, 08:56AM
Hay’ adda Hormuud Salaam Foundation ayaa Maanta Deeq gaarsiisay Dadka kasoo Barakacay Gobolka Shabeellaha Hoose, iyadoo deeqda ku wareejisay Markazu Raxma si ay ugu qeybiyaan barakacayaasha.
Deeqdan ayaa waxay qeyb ka tahay barnaamijka afurinta dadka dantayarta ah iyo kuwa baahiyaha gaarka qaba, waxaana raashiinka hay’adu gaarsiisay xarunta Al-raxma uu isugu jiray Bur, Bariis, Sonkor, Saliid iyo Timir loogu talagalay qoysaska dantayarta ah.
Gudoomiye ku xigeenka Hay'adda Hormuud Salaam Foundation Cabdiraxmaan Ibraahim Cilmi "Kobac" ayaa sharraxaad ka bixiyay Deeqdan ay dadka barakayaasha ah gaarsiiyeen iyo waxa ay ka kooban tahay.
Wuxuu xusay in ay hay’adda Hormuud Salaam Foundation ay sii wadi doonto caawinta dadka masaakiinta ah Bisha barakeysan ee Ramadaan.
Dhanka kale Axmed Sheekh Mustafa oo kamid ah Maamulka Markazu Raxma ayaa Hay’adda Hornuud Salaam Foundation uga mahadceliyay Deeqdan ay soo gaarsiiyeen si loogu qeybiyo dadka barakacayaasha ah ee ku sugan degmada Dharkeenley, gaar ahaan Siliga Ameerikaanka.
