Ciidamada Kenya oo Ka Hortagay Weerar Argagixiso

GARISSA, Kenya — Ciidamada ammaanka Kenya ayaa ka hortagay weerar argagixiso oo lala damacsanaa degmadda Garissa, oo u dhow xadka Soomaaliya, kadib markii la qabtay siddeed xubnood oo looga shakisan yahay inay ka tirsan yihiin kooxda Al-Shabaab, kuwaas oo isku dayayay inay dhisaan walxaha qarxa ee jidka Welmerer-Yumbia.

Unugga La-dagaalanka Argagixisada, ayaa sheegay in ciidamada ay ku dhaqaaqeen xog ay ka heleen dadka deegaanka, isla markaana ay ka hortageen maleeshiyaadka, iyagoo ka soo qabtay walxihii qaraxa ee loogu talagalay in lagu weeraro shacabka iyo ciidamada ammaanka.

Ciidamada ayaa ammaanay geesinimada saraakiisha iyo kaalinta ay bulshada deegaanka ka qaadatay ka hortagga weerarkan halista ahaa.

Mas’uuliyiinta ayaa sheegay in walxaha qaraxa la burburiyay, iyadoo la xoojiyay howlgallada ka dhanka ah unugyada Al-Shabaab ee ka howlgala xadka waqooyi-bari ee Kenya.

Hay’adaha ammaanka ayaa sidoo kale kordhiyay kormeerka aagga, oo muddo dheer loo aqoonsaday hoyga maleeshiyaadka argagixisada sababtoo ah u dhowaanaha uu la leeyahay Soomaaliya.

Hawlgalkan ugu dambeeyay ayaa muujinaya go’aanka joogtada ah ee Kenya ee ah sugidda xuduudaheeda iyo ilaalinta bulshada u nugul faragalinta argagixisada.