Itoobiya oo eriday saraakiil ka tirsan Qaramada Midoobay

Xukuumadda Addis Ababa ayaa shaqsiyaadkan waxay u qabatay muddo 72-saac ah.

ADDIS ABABA, Ethiopia - Itoobiya ayaa amar ku bixisay in dalka laga saaro toddobo sarkaal oo sare oo ka tirsan Qaramada Midoobay iyada oo ku eedeysay " in ay faragelin ku sameeyeen arrimaheeda gudaha".

Toddobada qof waxaa ku jira shaqsiyaad ka tirsan Sanduuqa Carruurta ee Qaramada Midoobay (UNICEF) iyo Xafiiska Isku-duwidda Arrimaha Bani’aadamnimada ee Qaramada Midoobay (UNOCHA).

Shaqsiyaadka ayay u aqoonsatay "in aan laga rabin Itoobiya" waxaana la siiyay 72 saacadood inay dalka uga baxaan, sida lagu sheegay bayaan ay soo saartay ayay Wasaaradda Arrimaha Dibaddu sheegtay Khamiistii.

Wakaaladda wararka ee FANA ayaa sheegtay in Grant Leaity, oo ah ku-xigeenka isuduwaha arrimaha bani’aadamnimada ee OCHA, iyo Adele Khodr, oo ah wakiilka UNICEF ee Itoobiya, ay ka mid yihiin dadka la eryay.

Tallaabadan lama filaamka ah ayaa waxay kusoo aadeysaa iyadoo shaqaalaha samafalku ay ka qaylinayeen qaylo -dhaan ku aaddan xaddidnaanta gobolka Tigray oo ay colaado ka jireen ku dhawaad ​​11 bilood.

Jamciyadda Qurumaha Ka Dhaxeysa ayaa dhowaan waxay cod dheer ku dalbatay tallaabo degdeg ah si looga hortago macluul ka dhacda gobolka Tigray ee ay fallaagadu gacanta ku hayso.

Madaxa gargaarka bani’aadamnimada ee Qaramada Midoobay Martin Griffiths ayaa ugu baaqay dowladda Itoobiya inay joojiso go’doominta dhabta ah ee cuntada, sahayda caafimaadka iyo shidaalka ee Tigray.

Griffiths ayaa dhibaatada halkaas ka jirta wuxuu ku tilmaamay “wasakh ku dhacday miyirkeenna.” Afhayeen u hadlay Qaramada Midoobay ayaa sheegay in qalalaasaha gobolkaas uu saameynayo malaayiin qof.

GAROWE ONLINE