Rabshadihii Jigjiga oo ku fidey magaalo madaxda labaad ee Itoobiya

Image

DIRIR DHAWE, Itoobiya - Rabshadihii ka dhacey maalintii shalay magaalada Jigjiga ayaa sida wararka aan ku heleyno waxay ku fideen magaalada labaad ee ugu weyn dalka Itoobiya halkaasoo ay wada dagan yihiin qowmidiyaha Soomaalida iyo Oramada.

Rabshadhii ka dhacey Jigjiga ayaa waxaa boob loo gaystey ganacsiga qowmiyadaha kale ee dagan magaaladaas kuwaasoo lagu diley dad gaaraya 30 qof oo u badan dadka aan Soomalida ahayn.

Warsidaha Garowe Online oo khadka taleefanka kala hadlay qof kamid ah dadka Soomaalida ee dagan magaaladaas ayaa noo sheegey in xaalada cakiran tahay iyadoo rabshaduhu ka socdaan xaafadaha ay kala dagan yihiin labadaan Qowmiyadood. Wararka ayaa xusaya in dad Soomali ah guryo ay daganayeen dab la qabadsiiyey kuwasoo halkaas ku geeryoodey.

Gadiidka Dab-damiska ayaa u gurmadey xaafadahaasla gubey waxayna ku howlan yihiin sidii xaalada u dajin lahaayeen.

"Magaalada Dire Dawa  ayaa waxaa soo gaarey goor hore Booliiska Federaalka waxay isku dayayaan in xaalada dajiyaan oo u muuqata mid faraha kasii baxeysa." sidaas waxaa Garowe Online u sheegey qof dagan magaalada Dire Dawa.

Qowmiyadaha Soomaalida iyo Oramada ayaa horey ugu dagaalamay degaanada ay wadadagan yihiin kuwasoo ku yaal magaalooyin u dhexeeya Dire Dawa iyo Jigjiga halkaas oo dhimasho iyo barakac-yo badan ka dhaceen.

Rabsshadahaan ayaa kor u kacey tan iyo intii xilka RW loo doortey Abiy Axmad oo ka soo jeeda qowmiyada Ormada. Abiy ayaan weli ka hadal xaaladaha kasoo kordhay dalka Itoobiya gaar ahaan degaanada Soomaalida iyo Oramada.

Related Articles

DR Congo: Xeer Ilaaliyaha Guud oo Dalbaday in dil lagu xukumo Madaxweyne Hore Joseph Kabila

Kabila ayaa bishii May laga qaaday xasaanaddii uu ku lahaa golaha sare ee dalka, isagoo ahaa senator noloshiisa.

  • Afrika

    23-08-2025

  • 01:24PM

Japan oo kusoo biirtay Loolanka Mareykanka iyo Shiinaha ee Khayraadka Afrika

Ra’iisul Wasaare Ishiba ayaa la filayaa inuu ku dhawaaqo qaab-dhismeed cusub oo iskaashi ah oo u dhexeeya Indo-Pacific iyo Afrika.

  • Afrika

    21-08-2025

  • 07:09AM