Xiisad ka dhalatay askar Sudan looga dilay xadka Itoobiya

Taliyaha ciidamada Sudan, Abdel Fattah al-Burhan, ayaa booqday goobta ay wax ka dhaceen.

KHARTUUM, Sudan - Taliyaha ciidamada Sudan Abdel Fattah al-Burhan ayaa booqday xadka dalkiisa uu la wadaago Itoobiya Isniintii, ka dib weerar lagu dilay lix askari, sida ay warisay warbaahinta gudaha.

Booqashada Al-Burhaan ee aagga Al-Fashqa ayaa ku soo beegantay "si uu u eego askarta Suudaan iyo xaaladda xudduudda bari ee dalka," ayaa lagu yiri bogga wararka Suudaan.

Milatariga Suudaan oo todobaadkii hore ku eedeeyay dhigooda Itoobiya in ay "duulaanka gardarada ah kusoo qaadeen" ayaan weli war rasmi ah ka soo saarin booqashada.

Ciidamada Suudaan ayaa Axaddii sheegay in lix askari looga dilay weerar ka dhacay deegaanka lagu muransan yahay ee Al-Fashqa ee xuduudka la wadaago Itoobiya.

Sudan iyo Itoobiya oo leh xuduud dhererkeedu dhan yahay 1,600km (994-mile) ayaa dhawaan dib u soo cusboonaysiiyay khilaafkii ka taagnaa saddexagalka al-Fashqa, oo ah dhul xuduudeed dheer oo tobanaan sano ah oo aan lahayn wax calaamad ah.

Khartoum ayaa sheegtay Dec. 31, sanadkii lasoo dhaafay 2020 in ay si buuxda ula wareegtay gacan ku haynta dhulka Suudaan oo ay ku sugnaayeen maleeshiyaad Itoobiyaan ah.

Addis Ababa oo aan wali ka jawaabin eedeynta duulaankaas ayaa ku eedaysay milateriga Suudaan inay qabsadeen dhulka Itoobiya, sidoo kale sheegashada woqooyiga ay deriska yihiin ayaa beenisay.

GAROWE ONLINE