Madaxweynaha Iran: Dalalka Muslim-ka waa inay xiriirka u jaraan Israel
-
GAROWE ONLINE
- Posted On 15-09-2025, 09:18AM
Dooxa – Madaxweynaha Iran, Masoud Pezeshkian, ayaa ugu baaqay waddamada Muslimiinta ah in ay xiriirka u jaraan Israel, isagoo ugu yeeray in la muujiyo midnimo iyo mowqif mideysan oo lagaga jawaabayo weerarrada Israel.
Pezeshkian ayaa maanta ka ambabaxay Tehran kuna sii jeeday magaalada Doha ee dalka Qatar, halkaas oo uu ka dhacayo shir madaxeed ay isugu imanayaan hogaamiyeyaasha dunida Carabta iyo Muslimiinta.
“Waa suuragal in waddamada Islaamka ay xiriirka u jaraan nidaamkan been abuurka ah (Israel), si ay u ilaashadaan midnimadooda iyo wadajirkooda intii karaankooda ah.”
Baaqan ayaa yimid iyadoo Qatar ay martigelineyso hoggaamiyeyaasha Carabta iyo Muslimiinta si ay uga arrinsadaan weerarkii Israel ay todobaadkii hore ku qaaday caasimadda Falastiiniyiinta ee Gaza, lagana soo saaro mowqif mideysan oo dhanka diblomaasiyadda iyo ficilka ah.
Waxaa la filayaa in shirka Dooxa lagu gaaro go’aamo dhab ah oo lagula xisaabtamo Israel. Iran ayaa dagaal la gashay Israel June 2025, waxayna u dhigtay cashar lama illoobaan ah maamulka Netanyahu.
GAROWE ONLINE
