Saudi Arabia: labo askari oo lagu diley weerar ismiidaamin ah

Image

January 5, 2015 (GO)- Labo sarkaal oo ka tirsanaa militeriga Saudi Arabia ayaa ku dhintay mid kalena wuu ka dhaawacmay weerar ismiidaamin ahaa oo goor hore oo saaka ah ka dhacay xadka uu dalkaasi la wadaago Iraq.

Af-hayeen u hadlay Wasaarada Arimaha Gudaha Saudi Arabia oo lagu magacaabo Mansuur Turkey ayaa sheegay in weerarku ahaa mid argagixiso oo ay soo qaadeen dhowr nin oo midkood walxaha qarka isku soo xiray.

Af-hayeenku wuxuu intaas ku daray in ciidamadu dileen labo kamid ah kooxdii weerarka soo qaaday mid kalena nolosha ku qabteen, inkastoo uu ka gaabsaday inuu faah faahin intaas ka badan bixiyo.

Qaar kamid ah warbaahinta maxalliga ah ee dalka Saudi Arabia ayaa baahiyey in labada sarkaal ee weerarkaas lagu diley midkood ahaa taliyihii ciidamada ilaada xuduudaha ee gobolada waqoooyi Col. Cawdah Al-balawi.

Dalka Saudi Arabia oo xuduud laleh todoba dal wuxuu cabsi weyn ka qabaa inay usoo gudbaan kooxaha Al-qaacida xiriirka laleh ee ka dagaalamaya dalalka Yemen iyo Iraq gaar ahaan kooxda Daacish (IS).

GAROWE ONLINE

Related Articles

Madaxweyne Trump oo La Filayo Inuu Xilka Ka Qaado Lataliyihiisa Amniga Qaranka Michael Waltz

Michael Waltz, oo horey xildhibaan uga soo noqday gobolka Florida, ayaa…

  • Caalamka

    01-05-2025

  • 03:30PM

Sacuudiga oo ka Joojiyay Soomaaliya Fiisaha Cumrada 

Joojinta kumeel gaarka ah waxay khusaysaa dadka codsanaya fiisayaasha Cumrada iyo booqashada qoyska.

  • Caalamka

    29-04-2025

  • 08:01AM