Wasiirka Difaaca Mareykanka oo tagay Afghanistan
-
- Posted On 24-04-2017, 07:39PM
Xogyahaha difaaca Mareykanka Jim Mattis ayaa maanta booqasho aan horey loo shaacin ku tagey magaalada Kabul, ee caasimada dalka Afghanistan.
Booqashada Jim Mattis ee Afghanistan ayaa ah lugtii ugu dambaysay safarro uu ku marayay maalmihii lasoo dhaafay lix dalka oo Africa iyo Asia ku yaalla.
Mattis ayaa kula kulmay Madaxtooyada Kabul Madaxweynaha Afghanistan Asharf Ghani iyo saraakiil kale, oo uu kala hadlay dagaalka lagula jiro Taliban iyo Al Qaacida.
Waxa uu sheegay wasiirku in maamulka Madaxweyne Trump uu qorsheynayo in ciidamo dheeraad ah u diro dalkaasi, si wax looga qabto amniga.
Booqashada Jim Mattis ee Afghnaistan ayaa kusoo beegmaysa kadib markii weerar ay Taliban ka fuliyeen magaalada Mazar-i-Sharif lagu dilay in ka badan 150 askari Jimcihii lasoo dhaafay.
GAROWEONLINE
