Ajnabiga oo laga mamnuucay inay si sharci-darro ah ku galaan Puntland

GAROWE, Soomaaliya – Dowladda Puntland ayaa ku dhawaaqay mamnuucida soo-galitaanka deegaanadeeda dadka ajnabiga, ee aan ogolaanshaha haysan kadib markii ciidamada ay dileen xubno ajnabi ah oo ka tirsan ISIS, kuwaas oo ku jiray buuraleyda Cal-Miskaad ee gobolka Bari.

Ciidamada amniga Puntland ayaa guulo ka gaarey dagaalka lagu qaaday saldhigyada kooxda ISIS. Waxaa la sheegay in xubno badan oo la dilay ay ahaayeen ajnabi, kuwaas oo laga helay deegaanka. Howlgalladan ayaa sii xoogeysaday toddobaadyadii u dambeeyay.

War-saxaafadeed ka soo baxay maamulka Puntland ayaa lagu sheegay in Madaxweyne Said Cabdullaahi Deni uu amar ku bixiyay in la dhaqan-geliyo mamnuucista, isla markaana wasaaradaha Arrimaha Gudaha, Amniga iyo Hay’adda Socdaalka ay u xilsaaran yihiin fulinta talaabadan.

Qorshahan ayaa looga gol leeyahay in la xoojiyo amniga xuduudaha iyo in la joojiyo soo-galista dagaalyahannada ajnabiga ah ee ku biiraya kooxda Daacish ee dagaalka kawado gudaha Puntland.

Maalmahan dambe, boqolaal Itoobiyaan ah ayaa lagu xiray magaalooyinka waaweyn ee Puntland, iyadoo badankood dib loogu celiyay dalkooda, sida lagu sheegay warbixinta. Faahfaahinta ku saabsan qorshayaasha fulinta mamnuucista ayaa si rasmi ah loo shaacin weli.

Ciidamada Puntland ayaa si xooggan uga sii soconaya hawlgallada ka dhanka ah ISIS ee ku yaal Al-Miskaad, iyagoo ku andacoonaya inay sii wadayaan cadaadiska ay saarayaan kooxda. Howlgalladani ayaa muujinaya halista sii jirta ee ka imaaneysa kooxaha xagjirka ah ee Soomaaliya, oo ay ka mid yihiin ISIS iyo Al-Shabaab.

GAROWE ONLINE