Booliska Puntland oo lagala hadlay fulinta sharciyada ilaalinta degaanka

Wasaaradda Deegaanka , Daaqa iyo Isbedelka Cimilada Puntland ayaa qaban-qaabisay kulankan.

GAROWE, Puntland - Wasiirka Wasaaradda Deegaanka , Daaqa iyo Isbedelka Cimilada Maxamed Cabdiraxmaan Maxamed oo ay weheliyaan Agaasimayaasha waaxaha wasaaradda , wasiirka ayaana ugu horeyn furay kulankan booliska gobolada lagu faray in la ilaaliyo deegaanka , lana faafiyo sharciyada shuruucda Ilaalinta Deegaanka.

Kulanka ayaa looga golleeyahay in lagu fuliyo laguna baahiyo shuruucda ilaalinta iyo maaraynta deegaanka iyo si loo ilaaliyo deegaanka iyo bulshada.

Wasiirka wasaaradda deegaanka ayaa booliska gobolada kula dardaarmay in ay adeegsadaan shuruucda Ilaalinta iyo maaraynta Deegaanka si aan xal waara uga gaarno dhibaatooyinka deegaanka loo geysto , tan ayaa meesha ka saaraysa in deegaanka loo geeysto dhibaatooyin saameyn taban ku yeelan kara deegaanka iyo bulshada

GAROWE ONLINE