Ciidamada AMISOM oo kaabiga u saaran Diinsoor iyo Bardheere
-
- Posted On 22-07-2015, 07:57AM
Jul 22, 2015 (GO)- Ciidamada AMISOM oo ay weheliyaan kuwa Dawladda Faderaalka ah ee Soomaaliya ayaa kaabiga ku haya magaalooyinka Baardheere iyo Diinsoor. Sarakiisha ciidamada oo warbaahinta la hadlay ayaa sheegaya inay ururka Al-shabaab ka qabsadeen dhul iyo deegaano ay ka talinayeen.
Howlgalkan ayaa midowga Afkrika ugu yeeray xoreynta nawaaxiga Jubbooyinka, ayaa ku bilowday labo waji.
Ciidama huwanta ah ayaa 30KM u jira degmada Baardheere, waxaana ka qayb qaadanaya diyaarahada dagaalka iyadoo dadka deegaanka sheegeen inay maqleen ilaa Lix gantaal oo diyaaradaahasi rideen.
Dhinaca kale ciidamada dawlada Soomaaliya iyo kuwa Itoobiya ayaa kaabiga ku haya degmada Diinsoor, waxay u jiraan qiyaastii 45KM.
Abaanduulaha ciidamada xoogga dalka Somalia Gen. Cabdirazaaq Khaliif Cilmi oo la hadlay warbaahinta dawladda ayaa sheegay inay madaxa la sii galayaan magaalooyinka Diinsoor iyo Baardheere.
Gen. ayaa sheegay in qorshodoodu yahay in urur Al-shabaab ka xoreeyaan meelaha ay kaga sugan gobolada Bay iyo Gedo.
Howl-galkan oo ay kawada qayb qaadanayan ciidamada maamulada Jubbaland, Koonfur Galbeed Somalia , DFS iyo kuwa midowga Afrika ayaa la kul maya meelaha qaar iska caabin uga imaanaysa ururka Al-shabaab.
GAROWEONLINE
