Ciidamo qabsaday xarunta Barlamanka Puntland ee Garowe
-
- Posted On 26-02-2017, 10:46AM
GAROWE, Puntland-Ciidamo gaashaaman ayaa la wareegay xarunta ay Ku howlgalaan Barlamanka Puntland ee magaalad Garowe daqiiqado kahor kuwaasoo wata baabuurta waaweyn ee miletariga.
Waxay xireen dhammaan waddooyinka soo gala xaruntaas iyo wadada halbowlaha ah iyagoo ku gooyay gawaari kadibna diiday in la isticmaalo.
Lama yaqaan halka ciidankan ka yimaadeen, balse warar uu helayo GO ayaa sheegaya inay kasoo ruqaansadeed duleedka caasumadda Garowe.
Waxaa la sheegay inay ka cabanayaan mushahar la'aan waqti dheer haysatay.
Xarunta, waxaa wararku xusayaaan inay Ku xanibanyihiin ilaa dhowr mudane oo katirsan Barlamanka Puntland.
Tallaabadan oo caado noqotay tan iyo markii Madaxweyne Gaas talada Puntland qaabtay ayaa kusoo aadaysa xilli ay soo baxayeen warar sheegaya in Madaxweynaha Puntland lagula taliyay inuu ka guuro Garowe inta waqti xileedkiisa ka dhiman.
Majirto wax war ah oo kasoo baxay hay'adaha dowladda iyo saraakiisha ciidanka qabsatay xarunta Barlamanka Puntland.
Sannadkii hore ayay ahayd markii ciidamo gadoodsan qabsadeen xarumaha Bangiga iyo wasaaradda Maaliyadda kuwaasoo markii dambe xal laga gaaray kadib markii la siiyay mushaharkii ay lahaayeen qayb kamid ah.
Ciidamada Puntland oo Ku shaqeeya xaalad adag Ayaan helin xuquuqdii ay lahaayeen xilli sare u kacayo musuqa iyo amni xumada ka jirta Puntland.
Wixii kasoo kordha wararkeena Dambe Ayaan idiin kusoo gudbin doonaa.
GAROWEONLINE
