Gaas iyo Farole oo ka dagay Garoowe [Sawirro]
-
- Posted On 24-10-2017, 07:55PM
GAROOWE, Puntland- Wafdigii Puntland uga qayb galay caleemo-saarka Madaxweynaha HirShabeelle Maxamed Cabdi Waare ayaa maanta lagusoo dhaweeyay magaalada Garoowe ee caasumadda Puntland.
Wafdigan ayaa ka hor inta aysan imaan Garoowe waxaa loo sameeyay sagootin ay ka heleen mas'uuliyiinta maamulka HirShabeelle.
Madaxweyne Gaas, Senator Farole, Xildhibaano iyo Wasiirro ayaa Puntland uga qayb galay xaflad shalay ka dhacday Jowhar oo lagu caleemo-saarayay Waare kuwaasoo xalay u hoyday magaalada Jowhar xilli madaxdii kale ay dib ugu noqdeen goobihii ay ka yimaadeen.
Mas'uuliyiin katirsan golayaasha dowladda ayaa xubnaha kusoo dhaweeyay Garoonka Kanooko xilli isla maanta caasimadda Puntland ay yimaadeen guddoomiyaasha labada Aqal ee Barlamanka Soomaaliya.
Wafdigan ayaa ayaa sheegay in caleemo-saarkii ay ka qayb galeen uu ku qabsoomay si wanaagsan islamarkaana waxay hambalyo u direen Madaxweyne Waare.
GAROWE ONLINE
