Gaas oo Guddiyo u magacaabay abaarta ka jirta Puntland
-
- Posted On 23-11-2016, 11:47PM
GAROWE, Puntland- Kulan deg deg ah, ayaa madaxweynaha Puntland isugu yeeray golihiisa wasiirrada, kaasi oo ku saabsanaa xaaladda abaareed ee ka jirta deegaanada Puntland gaar ahaan dhinaca Miyiga.
Guddiyadan oo loo kala qaybiyay inay ka shaqeeyaan gurmadka dadka tabaalaysan ayaa waxaa koobanyihiin, wasaaradaha kala duwan ee xukuumadda iyo hay'ado kale.
Gaas oo shir la qaatay golihiisa, wasiirrada ayaa sheegay in abaarta kajirta Puntland saamaysay 90% dadka ku nool miyiga, wuxuuna xusay inaan loo dul qaadan karin ee loo baahanyahay inay gurmadaan dadka Somaliyeed iyo kuwa reer Puntland ee ku sugan dalka iyo dibadda.
War-saxaafadeed kasoo baxay shirkaas, ayaa lagu sheegay in wasaaradaha la magacaabay u xil-saaranyihiin, Biyaha, Cuntada, Dajinta, Caafimaadka dadka iyo duunyada, Dhaqaalaha, Wacyigalinta iyo Xog bixinta, Amniga, Hubinta iyo Dabagalka.
Magacaabista guddigan ayaa yimid xilli dhowr guddi oo hore ay ka jireen deegaanada Puntland, kuwaasoo isu xil-qaamay sidii loo caawin lahaa dadka iyo duunyada ku dhaqan miyiga Puntland.
GAROWEONLINE
