Golaha degaanka degmada Qardho oo xulashadiisa bilaabatey
-
- Posted On 04-09-2015, 11:01PM
Sept 5, 2015 (GO)- Wasaaradda arimaha gudaha iyo dawladaha hoose ee Puntland ayaa sheegtay inay bilaabatay xulista golaha deegaanka degmada Qardho ee gobolka Karkaar.
Maxamed Muuse Ismaaciil isu-duwaha wasaaradda arrimaha gudaha gobolka Karkaar ayaa sheegay inuu rajaynayo xulista golaha deegaanka Qardho in lagu soo gabagabeeyo bishan gudaheed.
"Bishan gudaheeda ayaa la rabaa inay kusoo dhamaato xulista golaha deegaanka Qardho,waa inay beeluhu diyaarsadaan xildhibaanada matalaya, marka ay soo diyaagraoobaan ayaa doorashadu hacaysaa" ayuu yiri Isu-duwaha wasaarada.
Isu-duwaha ayaa tilmaamay in wakhtigii golaha deegaanka degmadaaasi soo idlaadatay isla markaana loo baahan yahay in la soo dhiso gole kale.
‘’Golaha deegaanka Qardho wuxuu la mid yahay golayaasha deegaanka ee waqtigiisu uu dhamaaday lana soo dhisayo’’ayuu yiri mudane Muse.
Xilka gudoomiyaha degmada Qardho ayaa waxaa isu soo taagey xubno farabadan kuwasoo bilaabey ololihii ay ku hantiye-lahaayeen kalsoonida shacabka.
Dhinaca kale xulista xildhibaanada golaha deegaanka degmada Bosaso ayaa muddooyinkii ugu dambeeyay ka socotay xarunta ganacsiga Puntland iyadoo dib u dhac weyn ku yimid kadib markii la dhaafey mudadii 45 cisho aheyd ee madaxweyne Gaas u qabtey in lagu soo dhiso.
Golaha degaanka magalada Qardho ayaa ah kan kaliya ee madaxweyne Gaas uusan kala dirin isagoo horey wareegto ku kala direy golayaasha degaanka Garowe iyo Bosaso iyagoo waqtigoodii bilo ka dhiman tahay.
GAROWEONLINE
