Guddoomiye ku-xigeenka Barlamanka Federaalka oo Garowe yimid
-
- Posted On 14-03-2015, 03:22PM
March 14, 2015 (GO)- Guddoomiye ku-xigeenka labaad ee barlamanka federaalka Mahad Cabdallah Cawad iyo wafdi uu hoggaaminayo ayaa maanta soo gaarey magaalo madaxda Puntland ee Garowe.
Mas'uuliyiin uu kamid yahay Guddoomiye ku-xigeenka labaad ee barlamanka Puntland Cabdixamiid Sheekh Cabdisalaan iyo boqollaal dadweyne ah ayaa soo dhoweynta wafdigaas ka qayb qaatey.
Mudane Mahad oo si kooban warbaahinta ula hadlay ayaa sheegay in ujeedada socdaalka uu Puntland kusoo gaarey salka ku hayso sidii ay xiriir fiican iyo iskaashi dhinacyo badan leh u yeelan lahaayeen labada barlamaan (Barlamanka Puntland iyo kan dowladda Federaalka).
Wuxuu sidoo kale ka mahadceliyey qaabka diirran ee Garowe loogu soo dhoweeyey isagoo xusay in booqashadani qaadan doonto muddo dhowr maalmood ah.
Dhanka kale, Madaxweyne Gaas ayaa wafdigan ku qaabiley xarunta madaxtooyada isagoo uga mahadceliyey socdaalka ay Puntland kusoo gaareen.
GAROWE ONLINE
