Gudoomiyaha cusub ee baarlamaanka Puntland oo la doortey

Cabdirisaaq Axmed Siciid ayaa noqdey afhayeenka xiga ee Golaha Wakiilada 6aad ee Puntland.

GAROWE, Puntland - Cabdirisaaq Axmed Siciid ayaa ku guuleystay xilka Guddoomiyaha Golaha Wakiillada Dawladda Puntland 2024 - 2029. Cabdirisaaq ayaa waxa uu helay codad gaaraya 37 cod.

Siciid ayaa ahaa gudoomiyaha guddiga doorashooyinka Puntland kaas oo maamulay coddeyntii goleyaasha degaanka ee qof iyo codka ahayd ayna ku tartameen ururo siyaasadeed.

Dhanka kale, Maxamed Baarri Shire ayaa ku guuleystay xilka Guddoomiye ku xigeenka 1aad ee Golaha Wakiillada Dawladda Puntland, sidda uu sheegay guddigadoorashada gudoonka golaha.

Doorashadda madaxtinimada Puntland oo xigi doonto coddeyntan maanta qabsoontey ayaa waxaa la filayaa in ay dhacdo 8-da Janaayo iyadda oo si weyn isha loogu hayo cidda rasmi ahaan kusoo bixi doonta.

GAROWE ONLINE