Isimada Puntland oo beesha caalamka ka diiday 4.5
-
- Posted On 10-02-2016, 03:47PM
GAROWE- Kulan maanta ay ku yeesheen magalada Garowe Ergayga gaarka aha ee Qaramada Midoobay u qaabilsa Somalia Michael Keating iyo Isimadda Puntland ayaa looga hadlay nidaamka lagu salaynayo doorashada Somalia ee 4.5, waxaan madax-dhaqameedka Puntland u sheegeen Wakillada inaysan qaadanayn habkaas.
Garaad Cabdullaahi Cali Ciid, Afhayeenka Isimada Puntland oo la hadlay Radio Garowe, ayaa sheegay in shirkoodii PDRC kusoo dhammaaday "Qaata 4.5 iyo qaadan mayno", isagoo xusay in go'aankooda kala simanyihiin dowladda iyo shacabweynaha Puntland.
Ciid, ayaa xusay inay usoo gudbiyeen wafdigan dalab ah inay taageeraan habka lagu go'aamiyay magalalada Muqdishu, isagoo layaab ku tilmaamay taageerada Michael Keating u muujiyay in lagu laabto habka qabaliga ah ee laga soo gudbo.
Afhayeenku, wuxuu xusay in wakiilka kasocda IGAD usoo sheegay in isimadu heli doonaa jawaab waqti aan la cayimin.
Dhammaan kulamadii uu Wakiilka Qaramada Midoobay la qaatay dhinacyada kala duwan ee bulshada kusugan magalada Garowe caasumadda Puntland, ayaa kusoo dhammaan mowqif midaysan oo ah inaan la qaadan 4.5.
GAROWEONLINE
