Isimada SSC-Khaatumo oo go'aan kasoo saarey doorashada Puntland

Qodobadan ayaa dharbaaxo ku ah damaca madaxweynaha muddo xileedkiisu dhacayo ee Deni.

GAROWE, Puntland - Isimadda goboladda SSC-Khaatumo ayaa soo saarey go'aan la xiriira qaabka loo xalin karo khilaafka ka taagan doorashada hogaanka xukuumadda iyo baarlamaanka Puntland.

Go'aanada ugu muhiimsan ee Isimada ayaa kala ah;

Doorashada madaxwaynaha iyo ku xigeenku ayay cod dheer waxa ay ku dalbadeen in ay si la isla ogol-yahay ku qabsoonto wakhtigeedii oo ah 08/ 01/ 2024

Barlamanka Puntland ee hada jooga ayay soo jeediyeen in doorashadooda dib loo dhigo muddo 12 bilood ah isla markaana ay iyaga doortaan madaxwaynaha yo ku Xigeenka.

Xukuumada imaan doonta wixii ka dambeeya 08/01/ 2024 ayay hoosta ka xariiqeen in ay doorashada barlamaanka oo gof iyo cod ah ku diyaariso muddo 12 bilood ah.

Go'aankan ayaa wuxuu kusoo beegmayaa xilli dhowaan ay Madaxtooyadda Garowe kula shireen madaxweynaha muddo xileedkiisa dhamaanayo Deni kaas oo wali aan fahfaahin ka bixin natiijada shirkaas.

Sikastaba ha ahaatee, qodobada kasoo baxay isimadda goboladda SSC-Khaatumo ayaa waxa ay dharbaaxo ku yihiin damaca Saciid Deni kaas oo doonaya muddo kororsi iyo qof iyo cod boor isku-qaris ah.

GAROWE ONLINE