Madaxweynaha Puntland oo ka hadlay safarkiisa dibadda
-
- Posted On 30-04-2016, 07:47PM
BOSASO- Madaxweynaha Puntland Cabdiwali Maxamed Cali "Gaas", ayaa ka hadlay safar uu kusoo maray dalalka Ethiopia iyo Sacuudiga isagoo sheegay inay guul ugu soo dhammaadeen islamarkaana hishiisyo lasoo saxiixdeen.
Gaas ayaa ugu horeyn tilmaamay inay dalka Ethiopia u tageen dhammaystirka hishiisyo labada dhinac horay u wada galeen, wuxuuna sheegay in arrintaasi ku weheliyay wasiirka ganacsiga Cabdiwali Xirsi Cabdulle oo uu tilmaamay inuu Jigjiga u tagay dhammaystirka kastamka xuduuda laga hirgaliyay.
Safarkiisa Sucuudiga ayuu xusay in uu daarranaa horumarinta kaabayaasha dhaqaalaha Puntland iyo raadinta maal-gashadayaal caalami ah islamarkaana uu maalqabeeno u dhashay dalkaasi la saxiixday heshiis ku qotoma dhismaha deked laga dhisi doono Garacad, waddo laami ah oo isku xiri doonta Gal-dogob iyo Garacad, dhismaha garoonka diyaaradaha ee Gaalkacyo iyo mashaariic kale oo horumarineed oo laga hirgelin doono dhammaan gobollada Puntland.
Wuxuu xusay in arrintaasi ku weheliyay wasiirka dekedaha Puntland isagoo tilmaamay inay kusoo guulaysteen qorshayaal saacida in la hormariyo kaabayasha dhaqaalaha Puntland.
HALKAN KA DHAGEYSO WARSAXAFDEEDKA MADAXWEYNE GAAS
GAROWEONLINE
