Madaxweynaha Puntland oo la kulmay gudoomiyaha cusub Barlamanka
-
- Posted On 09-11-2015, 08:34PM
09 November, 2015(GO)-Madaxweynaha Puntland ayaa manta xarunta madaxtooyada Puntland ku qaabilay gudoomiyaha cusub Barlamanka Puntland Axmed Cali Xaashi, waxaana uu soo dhaweeyay qaabka doorashadu u dhacday isagoo ku tilmaamay inay ahayd mid cad oo dimuqraadiyad ah.
Cabdiwali Maxamed Cali Gaas, ayaa u mahadceliyay gudoomiyihii hore ee Barlamanka Siciid Xasan Shire, waxana uu sheegay inuu soo qabtay howlo muhiim ah.
” Doorashadii maanta ka dhacday Baarlamaanka waxaa ay muujinaysaa dimuqrasiyadda gaamurtay ee ay Puntland ku talaabsatay , bisaylka siyaasadeed ee ay gaareen sidoo kale shacabku ” Ayuu yiri Madaxweynuhu.
Gaas, ayaa taageersana gudoomiyaha cusub Barlamanka Puntland, waxaana doorashada ka dib kula kulmay qasriga madaxtooyada Puntland isagoo ugu hambalyeeyay xilkan loo dhiibay.
GAROWEONLINE
