Madaxweyne Gaas oo u dhoofay Jabuti
-
- Posted On 07-05-2016, 03:47PM
GAROWE- Madaxweynaha Puntland iyo wafdi uu hogaaminayo ayaa maanta u dhoofay magalada Jabuti ee xarunta Djabuti, halkaas oo dhawaan ka dhici doonto caleema saar ku aadan dib u doorashada madaxweyne Ismaciil Cumar Gelle.
Safarka, waxaa madaxweynaha ku wehelinayay xubno katirsan dowladda.
Ka hor intuusan ka dhoofin magalada Bosaso, wuxuu la hadlay Cabdiwali Maxamed Cali warbaahinta isagoo uga warbixiyay safarkiisa, wuxuuna tilmaamay inuu ka qayb galayo caleema saarka Geelle, kadib markii uu helay casuumad.
Gaas, ayaa intaasi raaciyay in labada xukuumadooda ka dhaxeeyo xiriir walaalnimo, saaxiibtinimo, Soomaalinimo iyo mid Islaannimo, sidaasi darteed ka qayb galka caleema saarka sare u qaadayso xooggin calaaqaadkaasi.
Madaxweynaha ayaa dhoofey xilli Puntland ka jiro jirto xaalad adag oo dhanka dhaqaalaha ah, waxaana maanta markale ka dhacay Garowe dibadbax looga soo horjeedo sicir barar ku yimi maciishadda iyo sarrifka lacagaha qalaad, taasoo sabab looga dhigay lacago dalka lagu daabacay oo suuqyada ku faafay.
GAROWEONLINE
