Maxaa sababey in Rai'sal wasaaraha Somalia ka baaqdo Galkacayo?
-
- Posted On 26-11-2015, 09:23PM
Nov 26, 2015 (GO)-Ra'isal wasaaraha Somalia oo laga sugayey 25 Nov, 2015 magalaada Galgakacayo ayaa baaqdey iyadoo wararka kala duwan kasoo baxayaan dib u dhaca ku yimid safarkiisa.
Warsidaha Garowe Online oo baaritaan ku sameeyey sababta keentey in Ra'isal wasaaraha Somalia ka baaqsado safarkii uu ku imaan lahaa magaalada Galkacayo ayaa waxaa uu ogaadey in madaxweynaha Puntland uu la socodsiiyey ineysan jirin diyaargrow ku aadan sugida amnigiisa iyo halka u dagi lahaa.
Warsidaha Garowe Online ayaa sidoo kale fahansan in cududaarka madaxweyne Gaas la xiriirinayo diidmo siyaadasadeed ee ku aadan safarka Ra'isal wasaare Cumar Cabdirashiid ee ku aadan xalinta colaada ka taagan magaalada Galkacayo xilli uu ku sugan yahay magaalada Garowe.
Wararka Garowe Online soo gaaraya ayaa sheegaya in Madaxweyne Gaas ka dalbaday Ra'isal wasaare Sharmake inuu Garowe yimaado marka hore.
Dhinaca kale warsidaha Garowe Online ayaa fahansan in maamulka Galmudug sheegey ineysan la kulmeyn Ra'isal wasaare Cumar Cabdirashiid hadii uu ku soo hormaro maamulka Puntland isaga oo ksoo dagey garoonka diyaaradaha AHN Cabdulahi Yusuf.
Murankaan ku hareereysan imaanshaha Ra'isal wasaaraha dowlada Federaalka Somalia ayaa yimid kadib markii uu cirka isku shareerey khilaafka u dhexeeya dowlada Puntland iyo maamulka Galmudug.
GAROWEONLINE
