Maxabiis xorriyadooda helay magalada Bosaso [Dhagayso]
-
- Posted On 27-10-2015, 02:14PM
27 Octobar, 2015(GO)-Maxaabiis kala duwan oo ku xirnaa xabsiyada magalada Bosaso ayaa xorriyadoodii dib u helay ka dib markii maxkamaddu sheegtay in wax dambi ah lagu waayay.
Shakhsiyaadka maanta la sii daayay ayaa isugu jiray kuwa lala xiriirinayay inay ka tirsanyihiin ururka Al-Shabaab iyo ciidamo ka tirsana ilaalada madaxtooyada gobolka Bari.
Gudoomiyaha Maxkamadda ciidamada qalabka sida ee gobollada Bari, Kar-kaar, Haylaan, Sanaag iyo Gardafuu, Cabdufitaax Xaaji Aadan ayaa sheegay in xorriyadooda dib u heleen sideed eedaysan oo qaybtood ka mid ahaayeen ciidamada Daraawiishta Puntland, halka kuwa kale lagu tuhmay inay ka tirsanyihiin ururka Al-Shabaab.
Dadka maanta la sii daayay ayaa kala aha;
1-Nuunow Maxamed Madnuur
2-Maxamed Maxamuud Xassan
3-Cali Nuur Macalin
4-Bashiir Cabdi Dirir
5-Axmed Yaasiin Xirsi
6-Kayse Maxamed Cabdullaahi Faarax ciidanka Daraawiishta Puntland
7-Dable Bashiir Siciid Muuse ciidanka Daraawiishta Puntland
8-Dable Cabdiraxmaan Daahir Axmed ciidanka Daraawiishta Puntland.
Qaar ka mid ah maxaabiista oo la hadlay Idaacadda VOA-da ayaa sheegay in sharci darro loo haystay muddo ka badan Sannad.
GAROWEONLINE
